Un camioneiro con residencia en Santiago de Compostela faleceu na mañá deste luns nun accidente de tráfico ocorrido en Ponferrada (León) ao envorcar o vehículo que conducía na autovía do noroeste (A-6).
A vítima, cuxa identidade corresponde ás iniciais F.C.L., natural de Galicia e residente en Santiago de Compostela, conducía un tráiler matrícula 2276DTL, segundo informan os bombeiros de Ponferrada (León).
O accidente produciuse ao redor das doce do mediodía no quilómetro 388 da citada autovía, en sentido Madrid, cando o camión, que transportaba listóns de madeira, envorcou, deixando atrapado ao seu condutor, quen faleceu aos poucos minutos e o seu corpo tivo que ser excarcerado polos bombeiros.
Ata alí desprazáronse tamén efectivos do Servizo de Urxencias 112 de Castela e León e a Garda Civil.
O corpo sen vida do camioneiro será trasladado este mércores desde Ponferrada a Galicia.
Falece un compostelán tras envorcar o seu camión na A-6, en Ponferrada
O home quedou atrapado no vehículo, que levaba unha carga de listóns de madeira
