Un operario perdeu a vida esta tarde logo de precipitarse dun tellado no que traballaba en Frades (A Coruña), informou a central que se ocupa de coordinar a atención das urxencias que se producen en Galicia.
Sucedeu no lugar de Campo Duro, na parroquia de Céltigos, cinco minutos antes das catro da tarde.
Nese momento, o 061-Urxencias Sanitarias contactou co 112 Galicia para alertar do ocorrido. Acto seguido, os xestores do 112 Galicia requiriron a intervención da Garda Civil.
Unha vez no punto, os efectivos sanitarios nada puideron facer por salvar a vida ao traballador.