Un home faleceu este domingo pola noite no municipio coruñés de Oroso ao envorcar o turismo no que viaxaba, informa o 112.
O sinistro produciuse ás 23.00 horas no punto quilométrico 46 da estrada nacional 550, en sentido cara a Sigüeiro.
Un particular alertou de que o copiloto do coche envorcado quedara atrapado, polo que foi necesaria a intervención dos Bombeiros de Ordes para excarceralo, aínda que o persoal sanitario non puido facer nada para salvar a súa vida.
