O incendio forestal iniciado na tarde deste xoves no municipio ourensán da Mezquita quedou extinguido ás 22.38 horas da noite, segundo a información facilitada pola Consellería do Medio Rural.

O lume rexistrouse na parroquia de Pereiro e, segundo as primeiras estimacións provisionais, a superficie afectada rolda as 36 hectáreas de monte raso.

Nos traballos de extinción traballaron tres axentes forestais, oito brigadas, dúas patrullas de vixilancia, tres motobombas e sete helicópteros.