Catro persoas, entre elas un menor, foron evacuadas este martes afectadas por inhalación de fume debido a un incendio rexistrado nun domicilio no municipio ourensán da Mezquita.
Os feitos tiveron lugar pasada a medianoite nun domicilio no termo municipal da Mezquita, debido ao que foi mobilizado o 061 para atender a catro persoas, unha muller de 32 anos, un menor e dous homes de 33 e 56 anos.
Segundo informou o 061, desprazou ao lugar dúas ambulancias asistenciais e persoal sanitario da Gudiña para atender a catro persoas afectadas por inhalación de fume. En concreto, foron trasladados ao Hospital de Verín por inhalación de fume unha muller, L.S.F., de 32 anos; un menor; e os homes M.G.P., de 33 anos, e M.S.C., de 56 anos.
Evacúan a catro persoas por un incendio nunha vivenda na Mezquita
O lume comezou a medianoite nesta localidade ourensá. As catro persoas, entre elas un menor, foron trasladadas ao Hospital de Verín