A Policía Local da Coruña localizou este domingo a un home de 44 anos falecido no interior dun vehículo que se atopaba estacionado no barrio coruñés de Monte Alto.
Segundo informou a Policía municipal coruñesa, na mañá deste domingo recibiuse un aviso que alertaba de que había unha persoa inconsciente dentro dunha furgoneta que levaba aparcada naquel lugar ao redor dunha hora.
Tras trasladarse ao lugar, os axentes descobren a un home co cinto de seguridade abrochado e ladeado sobre o asento do acompañante.
Os axentes comprobaron que o home carecía de pulso e o seu corpo atopábase frío. Os servizos médicos desprazados ata o lugar certificaron a morte do home, cuxo falecemento puido producirse por "morte súbita de causa descoñecida", segundo un facultativo do 061.
Atopan a un home falecido no interior dun coche
O automóbil atopábase estacionado no barrio de Monte Alto
