Dúas persoas resultan feridas nunha colisión múltiple en Padrón

Na mesma estrada, ao seu paso polo municipio de Ames, varios vehículos sufriron danos materiais como consecuencia dunha mancha de aceite na vía

Dúas persoas resultaron feridas nunha colisión de tres vehículos no municipio coruñés de Padrón, informou a central que coordina as urxencias en Galicia.


Ás 9.15 horas deste luns rexistrouse un accidente na estrada N=550, ao paso pola Picaraña, que acabou con dous trasladados ao Hospital Clínico de Santiago de Compostela.

Rexistrouse outro terceiro ferido de escasa gravidade que foi atendido no momento nun suceso no que participaron efectivos de urxencias médicas e axentes da Garda Civil de Tráfico.

Na mesma estrada ao paso polo municipio de Ames varios vehículos sufriron danos materiais por unha mancha de aceite na vía, que agora limpan operarios do Ministerio de Fomento. 

Comentarios