Bombeiros de Boiro e efectivos de Protección Civil de Noia excarceraron esta mañá unha muller embarazada, ferida grave, que quedou atrapada dentro do seu vehículo, o cal chocou con outro, co resultado de que un dos seus ocupantes tamén presenta lesións de importancia.
A central de coordinación de urxencias de Galicia sinalou que o impacto se rexistrou na estrada autonómica AC-550, en Ponte Nova, Outes (A Coruña), e as forzas da orde indicaron que a muller foi evacuada en estado grave.
Os servizos sanitarios de urxencia trasladaron ademais aos dous ocupantes do outro vehículo implicado, un deles ferido de gravidade.
O 112 Galicia, tras recibir a alerta de varios particulares, puxo en marcha un dispositivo no que participaron Urxencias Médicas, Bombeiros de Boiro, Protección Civil de Noia, Garda Civil de Tráfico e Grupos de Urxencia Supramunicipal (GES) de Muros e Brión.
O sinistro rexistrouse ás 11:56 horas de hoxe.
