Axentes da Policía Local e da Policía Nacional detiveron na localidade valenciana de Gandia un mozo de 23 anos por supostamente obrigar unha moza de 17 a entrar á forza no seu coche e violala. Fontes policiais indicaron que o suceso se produciu na madrugada deste venres nun aparcadoiro dun local de lecer das aforas da cidade.
Os axentes foron alertados por unhas amigas da moza, coas que puido contactar ás agachadas mentres el perpetraba a violación, segundo as mesmas fontes.
Ao lugar acudiron dúas dotacións da Policía Local e outras dúas da Policía Nacional que escoitaron o relato da vítima e, tras obter a descrición do suposto agresor, deron unha batida pola zona e localizárono nunha discoteca próxima, polo que procederon á súa detención.
