O Subsector da Agrupación de Tráfico da Garda Civil da Coruña detivo a un condutor como presunto autor dun delito de atentado contra axente da autoridade e outro delito contra a seguridade viaria logo de levar por diante un axente en control de tráfico.
Os feitos ocorreron o pasado día 25 de maio, cando compoñentes do Destacamento de Tráfico da Garda Civil de Ferrol realizaban un punto de verificación e drogas na estrada DP-4803 entre as localidades de Miño e Pontedeume.
Ante os sinais dos guardiaciviles, o condutor detivo o vehículo, pero ao aproximarse un dos axentes acelerou bruscamente e iniciou a marcha atropelando ao garda civil con claro desprezo pola súa integridade física.
Despois do suceso, a Garda Civil iniciou un dispositivo de procura e localización do fuxido. Unha hora máis tarde foi localizado no seu domicilio, onde foi detido e comprobouse que carecía carné ao perder todos os puntos.
O detido, xunto coas actuacións realizadas, foi posto a disposición do Xulgado de Instrución de garda de Ferrol, enfrontándose a penas que poderían incluír a privación de liberdade.
O axente atropelado non sufriu lesións de gravidade.