Os Bombeiros de Cee procederon a retirar unha chapa metálica que estaba a piques de caer dun tellado na localidade coruñesa de Fisterra na madrugada deste martes. Atendendo á súa información, ás 1.37 horas deste martes recibiron un aviso do 112 de que unha chapa metálica que estaba a piques de caer dun tellado na rúa Monte Farelo.
Por iso, acudiron ao lugar cunha escaleira manual e accederon ao tellado, onde cortaron o anaco de chapa que se soltou da parte superior. Ás 2.42 horas concluíron a intervención.
Non foi a única incidencia nas últimas horas na zona, xa que tamén se retirou o tubo dunha baixante de pluviais que estaba a piques de caer en Fisterra e un poste que cortaba o paso nunha rúa e provocara "algún dano" a un coche ao desprenderse.
