Un camión que transportaba peixe ardeu este mércores pola tarde na AP-9, á altura de Oroso. O lume calcinou boa parte do remolque do vehículo. Con todo, ningunha persoa resultou ferida.
Os feitos ocorreron á altura da peaxe de Sigüeiro, en sentido norte, e varias persoas particulares deron aviso ao 112 Galicia para dar conta da situación. A primeira delas púxose en contacto coa central de urxencias ás 14.10 e, segundo explicou, o camioneiro xa estaba fóra de vehículo.
Desde o Centro de Atención ás Emerxencias do 112 informouse aos Bombeiros de Ordes, a Protección Civil, á Policía Local, á Garda Civil e á Garda Civil de Tráfico.
A intensa fumareda a consecuencia do incendio condicionou a circulación na zona. Afortunadamente, os 150 litros de gasóleo que transportaba o camión no seu remolque non se viron afectados polas chamas.
Arde un camión na AP-9, ao seu paso por Oroso
O vehículo transportaba peixe ► Afortunadamente ningunha persoa resultou ferida
