Un accidente de circulación protagonizado por un camión obrigou a cortar ao tráfico o carril dereito da estrada N-532 ao seu paso polo municipio ourensán de Verín.
Segundo informou o CIAE 112 Galicia, o sinistro tivo lugar pasadas as 10,30 horas deste sábado. Desde entón, o carril dereito desa estrada á altura do punto do accidente permanece cortado.
O suceso tivo lugar no quilómetro tres da N-532, onde un camión sufriu un accidente e quedou envorcado sobre a vía. O condutor do trailer resultou ileso pero, debido á magnitude do vehículo, o tráfico non puido ser restablecido.
Tras ter constancia do sucedido, a central de emerxencias puxo o caso en coñecemento da Garda Civil de Tráfico e os bombeiros de Verín.
