A Garda Civil tomou declaración a A.P.V., un veciño de 59 anos de idade do municipio de Riós que é investigado como presunto autor dun delito de lesións leves.
A denuncia interpúxoa unha veciña de 58 anos que declarou que recibiu un golpe nunha perna e unha agresión no pescozo mentres recollía castañas.
O motivo do conflito foi que as ramas do castiñeiro plantado na leira da agredida traspasan os lindes e as castañas caen na parcela do investigado.
Segundo o seu relato, a veciña pasou á leira do agresor a recoller os froitos, argumentando que as castañas lle pertencen porque a árbore está plantada na súa parcela.
OUTROS SUCESOS. Doutra banda, en Melón (Ourense), a Garda Civil de Ribadavia tomou declaración a M.C.T., unha veciña de 53 anos supostamente por simular un delito. O pasado 26 de setembro interpuxera unha denuncia polo uso fraudulento dun cartón de crédito, alegando que non fixera compras por internet. Con todo, con posterioridade comprobouse que as compras figuraban feitas cun cartón da súa propiedade.
Por outra banda, a Garda Civil do Carballiño detivo na mañá do 8 de novembro a E.F.D., de 39 anos de idade, e a T.G.G., de 32 anos, ambos os veciños de Maside (Ourense), como presuntos autores dun delito de roubo con forza. Os feitos ocorreron no Polígono industrial da Uceira, onde se apoderaron de cable de cobre.
