Vigo en Portugal, Ourense na Raia, Lugo no Courel, Pontevedra en Baiona. Este é o reaxuste xeográfico de Renfe que se fixo viral nas últimas horas. O sorprendente achado cartográfico foi obra de Ruben Martins, un xornalista portugués do diario Público que durante unha viaxe en tren lía unha das revistas que a compañía pon a disposición dos usuarios.
Tamén no seu país natal, Martins descubriu numerosos erros. Lisboa á altura de Santarém; Porto preto de Viseu. Moitos outros usuarios das redes sociais fixéronse despois eco do despropósito. Un despropósito, por certo, que afecta especialmente ao noroeste peninsular, o gran esquecido tamén en canto á alta velocidade. No propio mapa da discordia pódese apreciar como as liñas violetas do Ave non chegan a Galicia, Asturias ou Cantabria.
Ese si é un problema real, porque o fallo no mapa da revista Club probablemente sexa un erro de deseño facilmente subsanable.
Os mapas de rede da Renfe têm Vigo em Portugal, Lisboa em Santarém e o Porto quase em Viseu (já para não falar das localizações bastante desviadas de outras cidades espanholas). No fundo: para lá de Madrid, a gente que se entenda.. pic.twitter.com/PiXO64Fy7K
— Ruben Martins (@rubenlmartins) February 11, 2020
Hola, @Renfe ¿Quién os hace los mapas? Habéis puesto Coruña en Arzúa, Ferrol cerca de Lugo, Lugo en Becerreá, Ourense por Verín, Vigo en Portugal... pic.twitter.com/bKBjy9Brgh
— Arturo (@themarquesito) February 12, 2020
