A petición da súa exmuller, Verónica Lario, un xuíz embargou 26 millóns de euros das contas persoais do expresidente italiano Silvio Berlusconi.
Segundo ditou o Tribunal de Milán, Il Cavaliere debía pagar 3 millóns de euros mensuais á súa exmuller para que puidese manter o nivel de vida que tiña cando estaban xuntos, aínda que ben é certo que, tras varias revisións, a contía fixouse en 1,4 millóns ao mes.
Dado que Berlusconi en ningún momento abonou a contía á que lle obrigaba a lei, agora terá que pagar o que debe máis os intereses por danos. Os pagos atrasados ascenden a 26 millóns de euros.