viernes. 14.08.2020 |
El tiempo
viernes. 14.08.2020
El tiempo

Un programa formará en autoemprego e emprendemento a 150 mulleres do rural

A Xunta acaba de poñer en marcha a iniciativa Tomando as rendas, para fomentar o autoemprego e o emprendemento entre as mulleres de zonas rurais e formalas no uso das novas tecnoloxías. Polo momento, xa se inscribiron no programa máis de 150 mulleres.

Este proxecto, que comeza mañá e chegará a 40 concellos, está impulsado pola fundación Fundetec, a Plataforma Enlaces e Deglobé; e desenvólvese en Galicia a través da Axencia para a Modernización Tecnolóxica (Amtega), en colaboración coa Consellaría de Traballo e Benestar, a Secretaría Xeral da Igualdade e BIC Galicia.

Tomando as rendas ofrece solucións de autoemprego e emprendemento ás mulleres do ámbito rural para que poidan aproveitar as oportunidades empresariais que teñen ao seu arredor e poñer en marcha a súa propia empresa. Ademais, búscase transmitir confianza ás usuarias no uso das TIC, a través de cursos de capacitación dixital complementarios. A formación será presencial e online e impartirase en 40 municipios integrados na Rede de Centros para a Modernización Tecnolóxica (CeMIT) da Amtega.

As máis de 150 mulleres que se inscribiron na iniciativa teñen un perfil heteroxéneo e abranguen un amplo tramo de idade, que vai dos 20 aos 50 anos. Participan tanto mulleres en situación de desemprego como traballadoras por conta allea, e mesmo emprendedoras que acaban de poñer en marcha a súa propia empresa e queren ampliar a súa formación.

Un programa formará en autoemprego e emprendemento a 150 mulleres...
comentarios