Un mariñeiro noruegués de 96 anos que reside en California (EEUU) recibiu esta semana unha carta de amor que lle enviou en 1945 a súa esposa, xa falecida, informou este sábado a CNN.
A muller, Virginia, enviou a carta o 4 de maio de 1945 desde Nova Jersey, onde residían, ao navío do seu marido atracado en Porto España (Trinidad e Tobago), pero a misiva nunca chegou e foi devolta á súa orixe.
A carta quedou entón escondida na vivenda, e non foi ata data recente que os seus actuais propietarios, Allen Cook e a súa filla Melissa, atopárona nunha greta do teito mentres facían unhas reformas. O sobre estaba pechado.
"O sobre estaba vello e amarelado. Nunca o abriron. Foi incrible cando o meu xenro empezou a ler. Na carta ela falaba do bebé que ía ter", explicou Cook á CNN.
Melissa acudiu a internet para buscar pistas do nome ao que ía dirixido a carta -Rolf Christoffersen- e atopou unha coincidencia en Santa Barbara, California.
Tratábase dun fillo de Christoffersen de 66 anos, e chamado igual que el.
"Alguén chamou á miña oficina. Buscaran en Google o meu nome porque teño o mesmo nome que o meu pai. Melissa preguntoume onde nacera e eu díxenllo. Contoume sobre a carta. Así é como pasou", explicou á cadea estadounidense o home, que non nacera aínda cando a súa nai a enviou.
O seu pai reaccionou así ao ver a misiva de Virginia, falecida hai seis anos: "Quedei moi sorprendido logo de todos estes anos. Estaba moi contento de saber que unha carta así existía. Aínda estou emocionado".
A carta dicía así: "Ámote Rolf, como amo o cálido sol, e iso é o que es para min, o sol sobre o que vira todo o demais".
Un mariñeiro recibe unha carta de amor da súa muller... 72 anos logo do seu envío!
A esposa falaba, entre outra cousa, do bebé que ía ter nunha mensaxe que redactou no ano 1945