Días despois de terse sumado á candidatura de Irene Lozano (Renovadores UPyD), Toni Cantó pecha outra fichaxe, agora, máis televisiva. O actor valenciano, exdiputado de UPyD, incorpórase á telenovela das sobremesas de Antena 3 'Amar es para siempre', segundo confirmou Atresmedia na súa páxina web.
Toni Cantó (\<sent\>Tonicanto1) incorpórase a #AmarEsParaSiempre como o doutor Eugenio Martos http://t.co/yhSEX4t7Wl pic.twitter.com/GDNKyW7cr6
? Amar es para siempre (\<sent\>A3AmarSiempre) June 22, 2015Xa o pasado 19 de xuño, Cantó comunicou aos seus seguidores en Twitter o que é o seu primeiro proxecto televisivo nos últimos catro anos —a súa última aparición foi na comedia 7 vidas—, nos que estivo metido de cheo na vida política de UPyD.
Certo:Últimamente estiven centrado en buscar un posto..E conseguino:En agosto comezo unha serie e no outono unha función de teatro
? Toni Cantó (\<sent\>Tonicanto1) June 19, 2015Súmase así ao reparto fixo da cuarta tempada da serie, na que interpretará ao doutor Eugenio Martos, un cirurxián militar que se namorará de Adela, unha nai desesperada pola enfermidade da súa filla.
Cantó anunciou o pasado mes de abril que abandonaba o escano no Congreso e que renunciaba a ser candidato á Presidencia da Generalitat Valenciana por discrepancias na xestión da formación maxenta liderada por Rosa Díez e que, xa que logo, volvía á súa profesión de actor.
Non obstante, volverá á primeira liña política como portavoz adxunto da candidatura que encabezará Irene Lozano (Renovadores UPyD) para intentar facerse co liderado do partido o próximo 11 de xullo.
