Parece que soan campás de voda unha vez máis para Tom Cruise. E é que, segundo recolle a prensa británica, o actor tería en mente pedirlle matrimonio á súa asistente persoal, Emily Thomas.
A suposta petición de man tería lugar nunha viaxe a Marrocos, que o protagonista de Misión Imposible 5: Nación Secreta xa estaría a planear.
O intérprete estadounidiense, de 53 anos, e a moza británica, de 22, —á que a prensa se refire como 'o clon de Katie Holmes' polo seu gran parecido físico— coñecéronse hai un ano cando ela comezou a traballar para el.
A súa relación, iniciada a finais de 2014, caracterizouse pola súa discreción, sen posados nin saídas públicas. De feito, as contadas ocasións en que teñen sido fotografados xuntos foron como parte da apertada axenda do actor.
De confirmarse, este sería o cuarto matrimonio para Tom Cruise que xa estivo casado anteriormente con Mimi Roggers, Nicole Kidman e Katie Holmes, cuxa relación con esta última foi soada pola súa tormentosidade.
Con todo, a pesar da diferenza de idade, parece que xunto a Emily Tom atopou a estabilidade que lle faltaba.
