Suplantan a identidade de Lara Álvarez nas redes

Son varios os rostros coñecidos que nos últimos meses denunciaron malas prácticas na rede, ao ser vítimas do hackeo nas redes sociais. A última que sufriu unha suplantación de identidade foi Lara Álvarez, que se viu obrigada a denunciar publicamente un usuario cunha conta falsa que se estaba facendo pasar por ela."Quero comunicarvos que laruka_oficial NON É MIÑA... Xa está denunciada. Só teño @laruka e está verificada", publicou na súa conta de Instagram. "Grazas a todos e sinto que a xente xogue con estas cousas", engadiu.Días atrás, a copresentadora de Supervivientes sorprendía os seus compañeiros de profesión e seguidores nas redes sociais ao abrir un novo perfil e explicar nunha mensaxe que lle "roubaron a conta". Con todo, para sorpresa de todos, ambos os dous perfís seguían en funcionamento.Non foi ata o pasado xoves cando o eco da dobre identidade lle chegou a Lara ata Honduras. A xornalista tomou medidas de inmediado, chegando a porse en contacto incluso coa Policía para que pechasen a conta falsa e así poder evitar males maiores.