As fotos da sorprendente reacción alérxica que sufriu un mozo sueco a unha tinguidura de pelo xa deron a volta ao mundo. Nas imaxes pódese ver como a cabeza deste estudante chegou a deformarse pola inflamación.
As fotos foron compartidas nas redes sociais por unha compañeira de clase do mozo: "O meu compañeiro tinguiuse o pelo e despois descubriu que é alérxico. É o mellor que vin nunca", escribiu Stina Jörnvik na súa conta de Twitter.
Min klasskompis skulle färgs håret, han insåg att han var allergisk mot hårfärg. BÄSTA JAG SETT pic.twitter.com/Z1w8odFwXQ
— Stina Jörnvik (@stinajornvik) 12 de setembro de 2018
O mozo aplicou unha tinguidura de pelo sen saber que era alérxico á parafenilediamina, un dos compoñentes deste tipo de produtos. Como consecuencia, este estudante acabou en urxencias cunha inflamación do coiro cabeludo e diversas feridas na cabeza.