Saber y Ganar, a piques de cumprir un cuarto de século, é o concurso máis veterano da historia da televisión española. A súa lonxevidade non lle impide introducir novidades no formato, pois o pasado 23 de agosto o programa iniciou unha nova etapa coa incorporación ao equipo de Elisenda Roca nova voz en off, substituíndo a Juanjo Cardeal
O concurso cultural segue reunindo nas tardes de La 2 a centos de espectadores aos que non se lles escapa nin un detalle do que ocorre nas súas pantallas. De feito foi a audiencia a primeira en detectar o erro que Saber y Ganar cometeu ao nomear a un municipio coruñés nunha das súas probas.
Na cuarta opción da pregunta podíase ler o nome de "Mugía" para referirse a Muxía, feito que desatou numerosas críticas en Twitter
Jordi Hurtado preguntou aos concursantes durante o programa deste venres onde se sitúa a Praia das Catedrais. Entre as opcións atopábase Ribadeo, a resposta correcta, ademais de dous concellos asturianos, Luarca e Llanes. Na cuarta opción podíase ler o nome de "Mugía" para referirse a Muxía, feito que desatou numerosas críticas en Twitter.
Os usuarios desta rede social mostráronse indignados coa falta de respecto á toponimia orixinal galega e pediron a rectificación do programa, que segundo os mesmos debería demostrar exemplo ao tratase dun formato cultural de referencia.
Mugía la vaca en saber y ganar. pic.twitter.com/ihi9K5474o
— Uxío (@_uxio) August 27, 2021
Un programa cultural debe respetar a toponimia. Muxía, non Mugía #saberyganar
— Begoña Otero (@begoorientacion) August 27, 2021
@Sabery_Ganar Con todo o meu agarimo non podo aceptar que dende a miña benquerida Barcelona lle chamen Mugía a Muxía. Sería moi proprio do voso saber facer unha rectificación pública. Bicos para todos no programa.
— Deporfaith (@MiguelG42107239) August 27, 2021
