A empresa Florette, que comercializa verduras, hortalizas e ensaladas listas para consumir, alerta de que detectou unha contaminación puntual da bacteria E.coli que podería afectar a algúns lotes dos seus produtos elaborados e comercializados en Canarias.
Os produtos que poden estar afectados son algúns lotes de Brotes de espinaca, o denominado Mezclum, a Pasta integral e Detox, con datas de caducidade entre o 26 de xullo e o 1 de agosto, informa a empresa nun comunicado.
Florette Canarias decidiu retirar eses lotes de produtos dos puntos de venda e solicita a quen os teñan que os devolvan aos comercios ou contacten co servizo de atención ao cliente da empresa (902 103 296 / [email protected]), onde se lles devolverá o importe.
Así mesmo, recomenda aos consumidores que, ante calquera síntoma, como diarrea, que puidesen sentir tras a inxesta deses produtos acudan a un centro médico.
A compañía lamenta as molestias que esta medida poida xerar nos consumidores, segundo indica na nota.
