As Tanxugueiras van con todo. E se non, que lle pregunten aos madrileños, que este luns viron como un cartel xigante do trío de pandereteiras entrou a formar parte do paisaxe urbana da capital.
Tirando de nbsp;&retranca e aproveitando os centos de virales de persoas que, ao longo de todo o mundo, intentaron en balde pronunciar correctamente o nome do grupo, as Tanxus e Spotify elixiron esta lema para promocionar a música das participantes no festival de Benidorm, que actualmente son as segundas favoritas para facerse co billete a Turín Tanchungueiras? Ata para os nomes máis chungos de pronunciar non hai fronteiras.
O cartel está, ademais, nunha situación inmellorable, no cruzamento de Gran Vía coa rúa Alcalá, en pleno centro da capital. Un último empuxón para Aida, Sabela e Olaia, que aspiran a converterse no primeiro grupo en representar a España en Eurovisión cantando nunha lingua oficial no estado diferente ao castelán.
