O juezgado de instrución número 5 de Barcelona condenou ao xogador internacional do FC Barcelona Gerard Piqué a unha multa de 10.500 euros por increpar de forma airada, despectiva e agresiva a dous axentes da Garda Urbana que multaran ao seu irmán por deixar o seu coche mal estacionado.
Na sentenza o xuíz titular recrimina ao central azulgrana a súa "actitude despectiva e de agresividade verbal e xestual" cara aos axentes que se dispuñan a multar ao seu irmán a madrugada do 13 de outubro de 2014.
A pesar de que o fiscal só reclamaba unha multa de 900 euros, a maxistrada optou pola cantidade proposta pola acusación particular, exercida polos dous axentes urbanos, que solicitaba 10.500 euros, ao considerar a situación económica do futbolista, que percibe un salario superior a 6 millóns de euros anuais.
O xuíz remarca neste sentido que a multa que lle impón a Piqué, dunha cota de 300 euros durante 35 días, corresponderíase a unha sanción de 60 céntimos diarios a un mileurista, que son "a "inmensa maioría das persoas denunciadas nos xuízos de faltas".
Na sentenza, que se pode recorrer á Audiencia de Barcelona, o xuíz advirte a Piqué que se non fai efectiva voluntariamente a multa no prazo de sete días desde que o fallo sexa firme, poderalle impor un día de privación de liberdade por cada dúas cotas que deixe de abonar, sen necesidade dun requirimento previo.
Piqué deberá pagar unha multa de 10.500 euros por increpar aos gardas
