O dianteiro do Barcelona e da selección brasileira de fútbol, Neymar, anunciou este xoves o fin do seu noivado coa actriz Bruna Marquezine, coa que reiniciara a súa relación amorosa ao comezo deste ano.
"É a última vez que falo da miña vida persoal porque non me gusta. Pero, si, estamos separados", dixo Neymar a xornalistas antes de entrar a un luxoso hotel de Sao Paulo no que se realizou unha poxa de carácter benéfico organizada polo futbolista.
Neymar, quen chegou ao evento sen o seu anel de compromiso, sinalou: "Foi unha decisión de ambas as partes, ela é unha moza que admiro e fago forza pola felicidade dela, non só no profesional senón tamén na vida persoal. Espero que ela sexa feliz, a vida segue. Terminamos como bos amigos".
A parella, a nai, a irmá e o fillo do xogador -cunha antiga noiva- viaxaran ao comezo da semana a Sudáfrica para un safari, pero non publicaron fotos deles xuntos nas redes sociais, nas que os amigos famosos lamentaron o fin do noivado e expresaron o desexo dunha reconciliación.
O dianteiro e a súa noiva volveran por última vez no Ano Novo e segundo o portal de noticias UOL o motivo desta, a terceira separación, foi a pedida de matrimonio por parte de Neymar, de 25 anos, e a negativa de Marquezine, de 21, e que de acordo coa información non quere un compromiso definitivo aínda.
Neymar Jr. e Bruna Marquezine sepáranse por terceira vez
Unha pedida de matrimonio por parte do futbolista sería o detonante da separación
