Unha muller vacinada con AstraZeneca en Álava atópase en coma inducido tras sufrir un trombo na cabeza, no primeiro caso destas características detectado en Euskadi. O Departamento de Saúde confirmou este mércores que o pasado fin de semana notificou unha "sospeita dun acontecemento adverso grave asociado á vacinación con AstraZeneca" á rede de farmacovixilancia e que será a Axencia Española do Medicamento a que investigará esa sospeita.
Saúde non deu máis detalles sobre a situación desta persoa, que, segundo publica este mércores El Correo, é unha muller de 57 anos, traballadora do servizo de Axuda a Domicilio de Álava, que tras recibir a primeira dose da vacina de AstraZeneca contra a covid sufriu un trombo na cabeza e está ingresada en coma inducido na uci do Hospital Santiago de Vitoria.
