A moza Lucía Reyes Franco compartiu en Twitter unha foto do seu DNI, cun obxectivo: atopar a alguén cuxo nome fose máis "facha" que o seu. Así, unha usuaria chamada Ana España Franco achegou o seu documento de identidade, asegurando que “a este xogo non me gaña ninguén”.
Seguidamente, Julio Arriba sumouse á iniciativa ironizando con que anhelaba atopar a alguén que se apelidase España para ter fillos xuntos, formando así a parella "Arriba España".
O fío converteuse en viral en cuestión de horas, superando os 30.000 gústame e centenares de compartidos.
