O Ministerio desestima o rexistro da Asociación de Abducidos polos Alieníxenas

Aínda que legalizara o seu inscrición no BOE, o Goberno acabouna desestimando porque non puido contactar coa asociación
ovnis

Tras iniciar o pasado 7 de xuño un procedemento de inscrición no Rexistro Nacional de Asociacións á Asociación de Abducidos polos Alieníxenas España, o Ministerio de Interior, tal e como publica no BOE deste martes 10 de agosto desestimou finalmente a solicitude. Fíxoo "por causas non imputables á Administración", ao non poder notificarlla a ningunha persoa da organización.

A inscrición neste rexistro é garantía de que a asociación se constituíu legalmente. Con todo, non hai nin rastro da entidade. Así as cousas, como o Goberno non se puido pór en contacto con ningún integrante, desde a publicación do BOE deste martes informaron á asociación que poden atopar o contido íntegro da resolución nas "oficinas sitas na Rúa Cea Bermúdez, 35-37, de Madrid".

En redes sociais a publicación do BOE deu que falar. A través de Twitter, algúns confiaban en poder atopar aos integrantes da organización, mentres que outros tiraban do humor dicindo que o motivo da falta de resposta era que os membros da asociación habían, en efecto, sido abducidos.

Comentarios