Miguel decidiu desvelar o seu segredo aínda que, polo momento, só a un dos concursantes da casa de Gran Hermano. A persoa elixida foi Clara, que en menos de dúas semanas de convivencia converteuse na mellor amiga do grovense. "Teño ganas de romper as miñas ataduras e aí é cando me vou sentir gañador. Quizais me tire tres ou catro semanas [na casa], pero son gañador da miña propia vida", explicou o galego á súa amiga horas antes de revelarlle o segredo.
O galego quixo que Clara fose "a primeira persoa" en coñecer o seu verdadeiro eu. "Confío nela. Nunca me pasou de conectar cunha persoa só coa mirada", confesou. A súa compañeira mostroulle o seu apoio desde o primeiro momento e non puido ocultar a curiosidade que sentía por coñecer a natureza do segredo. "Ela pensa que son travesti", afirmou el entre risas.
Tras un día de incógnita, o galego decidiu que o momento adecuado chegado. Foi ao final dunha festa na casa, cando o resto dos seus compañeiros se deitou. Miguel pediulle a Clara que o acompañase á lavandería, onde, visiblemente emocionado, quitou a súa prótese capilar. "Ocúltome nun personaxe que non son e que necesita saír", explicou o galego, que admitiu sentir "moitísimo medo pola aceptación".
"Ti coñeces unha parte de min que non me gusta", dixo o modelo a Clara, quen lle asegurou que quere aos seus "dous eus". Tras quitar a perruca ao completo ela tranquilizouno: "Segues sendo Miguel e seguiralo sendo sempre para min".
O segredo da casa case deixa de selo cando Miguel irrompeu na lavandería mentres o grovense aínda se estaba colocando a prótese novamente. Ao parecer, o concursante non se decatou do cambio e saíu tranquilamente tras coller uns calcetíns.
Miguel confesa o segredo a Clara: "Ocúltome nun personaxe que non son e que necesita saír"
O modelo grovense quitou a súa prótese capilar en presenza da súa amiga, que lle mostrou o seu apoio incondicional: "Segues sendo Miguel e seguiralo sendo sempre para min"
