Aínda que no corpo hai un pelo que detestamos, as pestanas estarían no lado contrario: ¡adorámolas por encima de todo! E é que estas, ademais de protexer o ollo fronte a elementos externos, enmarcan a mirada e fana máis impactante. Pero en ocasións, as pestanas son demasiado curtas, claras ou escasas. Por sorte, existen tratamentos para reverter estas situacións e conseguir unha mirada XXL.
EXTENSIÓNS. Consiste en engadir máis pestanas ás que xa se teñen, pegándoas pelo a pelo. Polo tanto, é ideal para aquelas persoas con pestanas pouco poboadas. O resultado é moito máis natural que as postizas e duran ata un mes.
LIFTING. É o tratamento indicado para elevar e acentuar a curvatura das pestanas. Estas se alisan, levantan e moldean suavemente desde a raíz para que parezan máis longas. Pode durar ata dous meses.
PERMANENTE. É similar ao lifting, aínda que aquí as pestanas rízanse e moldean cunha curvatura maior na punta, grazas a uns pequenos rulos de algodón. A maior diferenza entre ambos reside nos tipos de moldes e colas empregadas nos procedementos. A permanente pode durar uns tres meses.
TINGUIDURA. Ofrece uns efectos similares á máscara de pestanas, xa que se aplica cor, pero cunha duración maior: aproximadamente de seis semanas. Ideal para pestanas moi claras ou finas.
