O xornalista Manolo Lama afirma non crer "en mans negras", pero non pode disimular certo malestar pola decisión de Mediaset de apartalo do equipo de Deportes Cuatro, do que formaba parte desde fai máis de dez anos. "Comunicáronme que deixo de presentar Los Manolos. Estou á espera de que me dean as razóns", confesou na Cope, onde tamén traballa.
En calquera caso, e tras a polémica levantada polo seu despedimento forzado, incidiu en que se vai "co agarimo dos compañeiros e o respaldo da audiencia de todos estes anos. Non creo en mans negras, non teño inimigos. Fomos líderes desde o primeiro ata o último día. Eu nunca tiven inimigos nin creo en inimigos, pero a vida é así", resolveu Lama, que será sustuido desde este luns por Nico Abad.
Segundo indicou, Mediaset —que apostou por Manu Carreño— informoulle do seu despedimento "por carta" e sen dar máis explicacións, polo que espera recibilas nos próximos días. Entre tanto, recibiu o apoio de moitos compañeiros nas redes sociais.
Lama pide explicacións: "Non creo en mans negras, non teño inimigos"
O xornalista, que será substituído por Nico Abad en 'Los Manolos', rompe o seu silencio: "Non creo en mans negras, non teño inimigos"
