A web digodiego.es recolle os tuits que os deputados españois compartiron na rede de microblogging e borraron despois.
"Todos cometemos erros ás veces e compartimos o que non queremos, pero agora os políticos non poden esconderse", así se presenta a web DigoDiego, un proxecto da Fundación Civio.
A web reflexa casos como o da socialista Delia Branco, que fai "limpeza semanal" dos seus tuits "máis expresivos", borrando moitos deles cada dous ou tres días, informou a Fundación nun comunicado.
Outro caso, engadiu, foi o do deputado socialista Eduardo Madina, que fixo o propio tras circular en Twitter unha foto de José Antonio Griñán de visita á fábrica que produce as coitelas dos valos de Melilla, detalla a fundación.
Digodiego.es é a adaptación española da web Politwoops da Sunlight Foundation en EE.UU. e mostrará os tuits borrados dos políticos desde o pasado 24 de outubro.
"O que reflicte DigoDiego.es ata agora é que os nosos representantes son xeralmente moi coidadosos co que transmiten, coma se estivesen en continua campaña", manifestou o equipo de Civio.
A web non terá en conta os tuits eliminados por conter un erro ortográfico.
Con todo, se o que se mostra é unha afirmación, fotografía ou enlace do que un político se arrepinte por razóns de propia imaxe, será publicado sempre que non vulnere os propios termos de uso e privacidade que establece Twitter, asegurou a fundación.
A web que permite ver as 'pifias' dos políticos en Twitter
