A Raíña Letizia, presidenta de honra de Unicef, agradeceu á súa "sogra" Sofía o labor "valiosísimo, calado e utilísimo" que durante 44 anos levou ao cabo desde a mesma presidencia de honra desta organización, e como receptora do seu legado, recoñeceulle: "Puxéchesmo moi difícil".
"Agora es ti quen continúas co traballo que tanto me ilusionou. Deséxoche o mellor neste marabilloso labor", dixéralle antes a Raíña Sofía, entre aplausos, tras recoller de mans de dona Letizia o Premio Joaquín Ruiz-Giménez de Unicef, un dos catro galardóns anuais que concede esta entidade humanitaria.
O intercambio de parabéns tivo lugar na entrega de premios de Unicef de España, celebrada no salón de actos do CSIC, en presenza do ministro de Sanidade, Servizos Sociais e Igualdade, Alfonso Alonso, e a defensora do Pobo, Soledad Becerril, así como do responsable da entidade, Carmelo Angulo.
Nunha breve alocución, a Raíña felicitou á súa sogra "de forma moi especial" porque, remarcou, "nunca a palabra sogra soou mellor".
O seu recoñecemento chégalle por dedicar "unha vida enteira a pór encima da mesa" e levar á "axenda política" a loita polo benestar que "todos os nenos merecen", e tamén por realizar ese esforzo con "dignidade e con solvencia, con intelixencia e con rigor", en palabras de dona Letizia.
"Puxéchesmo moi difícil, sogra"
Así agradeceu Dona Letizia a Dona Sofía o labor "valiosísimo, calado e utilísimo" que durante 44 anos levou ao cabo desde a presidencia de honra de Unicef, cargo no que tomou a súa remuda
