Na cociña "hai que ser resolutivo", asegura nunha entrevista con Efe a segunda clasificada en en MasterChef 6 Ketty Fresneda, unha dietista cubana fincada en Galicia desde hai seis anos que achaca ese mantra ás súas raíces: "En Cuba é difícil seguir as receitas pola escaseza de alimentos".
"Na cociña hai que ser resolutivo. Non sei se é porque son dun país no que non temos todo feito, no que abrimos a neveira e non temos todos os ingredientes", explica Fresneda, clasificada tras Marta Verona no reality da 1 de TVE.
Esa determinación "innata" demostrouna na penúltima proba do concurso, comenta, cando tiña que elaborar para a sobremesa unha "roca" no restaurante de Pepe Rodríguez, xurado de en MasterChef xunto a Jordi Cruz e Samantha Vallejo.
"Era bastante complicado. Tiña técnicas de moita complexidade que eran vistas incluso por primeira vez por cociñeiros que estaban alí", asegura ríndose.
A pesar desa resolución, a chef cubana non puido facerse cos 100.000 euros de premio do concurso, pero si co agarimo da audiencia de España e tamén de Cuba, onde xa se vían edicións anteriores do reality español, aínda que nesta se incrementou o interese pola presenza de Fresneda.
Di que saíu en moitos xornais de Cuba e Miami, pero non é a única da súa familia que está a vivir a inesperada fama de MasterChef, súa a irmá xemelga, Katty, tamén se fixo coñécida.
"O programa cambiou a miña vida e a da miña irmá. Eu pasei a ser unha persoa xa non tan de incógnito, pero a miña irmá igual. A pobre xa non pode saír á rúa en Cuba porque lle piden autógrafos e lle piden fotos", explica.
Foi no seu país natal onde comezou, "desde moi pequena", a súa paixón pola cociña: "rexoubando na cociña" e fixándose nas elaboracións da súa avoa, aínda que foi á súa chegada a España cando aumentou o seu interese pola gastronomía "ao ter máis ingredientes para cociñar".
"O día que teña un restaurante encantaríame facer énfase na cociña de aproveitamento, que todo se recicle e que nada se vaia a tirar. Hai moita xente pasando necesidade"
O luns viu a final do concurso en casa da gañadora, de Marta Verona, unha "velada incrible" que demostra que en en MasterChef xurdiu unha "amizade súper intensa" que seguirán forxando, xa que as dúas comezarán os seus estudos no Basque Culinary Center o 1 de outubro coa meta de abrir un restaurante.
"O día que teña un restaurante encantaríame facer énfase na cociña de aproveitamento, que todo se recicle e que nada se vaia a tirar. Hai moita xente pasando necesidade", afirma.
E, se ese día chega e se convirte na chef do seu propio restaurante, ten claro que o abriría en España: "Son moi cubana e tamén moi española. Encántame Cuba, pero terían que cambiar moitas cousas para que decidise investir alí".
A rusa Oxana, terceira clasificada, coincide neste amor polo seu país de acollida: "O meu soño é abrir un salón de té moi gourmet, moi glamouroso, onde vivo, en Gijón. Voume a quedar aquí", asegura en declaracións a Efe.
"Son moi cubana e tamén moi española. Encántame Cuba, pero terían que cambiar moitas cousas para que decidise investir alí"
Foi un premio para ela quedar terceira nesta edición do programa culinario cunha final tan multicultural -"Cuba, Rusia, Valencia e Madrid, foi moi pintoresco e bonito", apostila- e, tamén, con tres finalistas femininas: "somos o poder agora mesmo neste século".
"Cumprir un soño sempre é bonito, pero cando chegas aos 50 –ela ten 52– e cres que está todo feito, é o máis grande", engade.
O cuarto clasificado, o valenciano Toni, só necesitou tres meses –desde o inicio do concurso o 17 de xaneiro ata o final, o 21 de abril- para conseguir o seu soño.
"Montei xa e inaugurei o venres pasado foodtruck na praia El Puig de Valencia. É unha fusión entre foodtruck e chiringuito de praia", adianta a Efe o concursante que, ademais, xa montou o seu propio catering.
