'Salvados', o programa de Jordi Évole, prepara a estrea da súa nova tempada, este domingo a partir das 21.30 horas na Sexta. E nada mellor que unha singular campaña de mercadotecnia co fin de pedir a Mariano Rajoy que lle conceda unha entrevista.
O mércores publicouse no diario Marca un anuncio que causou desconcerto e que dicía: “Sr. Rajoy, non sabemos como chegar ata vostede, pero cremos que por aquí nos pode ler. Temos algo importante que dicirlle”. E o xoves o propio xornal deportivo levaba outro en formato similar: “Sr. Rajoy, este domingo, ás 21.25 horas, volve 'Salvados'. Se quere ser un dos nosos invitados, estaremos encantados”.
De todos é coñecida a afección do expresidente do Goberno polo deporte e que Marca é un dos seus diarios de cabeceira.
