Nunca é tarde se a dita é boa. Os facultativos do hospital Tartarella de Cerignola, en Italia, quedaron pampos na véspera de San Valentín cando a nai dun bebé nacido ese mesmo día certificou que o proxenitor era o seu marido, un home de 93 anos.
A parella acudiu ao día seguinte a tramitar os papeis que recoñecen a paternidade do pequeno e confirmábase o milagre.
O home é un home nacido en 1925, na cidade de Bari e ferreiro de profesión. Mentres que a muller, naceu en 1977 en Marrocos. Os 52 anos de diferenza fixeron que ao persoal sanitario custáselle crer que o nanogenario que acompañaba á parturienta era en realidade o seu marido. No entanto, a expresión latina omnia vincit amor parece ser unha máxima forxada a lume na parella e, nun último desafío ás leis da natureza, este nanogenario conseguiu concibir, xunto á súa esposa, un neno en perfecto estado de saúde.
A paternidade en homes de tan avanzada idade dáse en casos moi excepcionais, aínda que en Galicia temos un precedente recente. é o caso de Julio Iglesias Puga, Papuchi. Quen foi pai en 2004 de Jaime Nathaniel, con 89 anos, e tamén da súa única filla, Ruth, a quen xa non puido coñecer, dado que naceu en 2006, meses logo do seu falecemento. Ambos os pequenos tívoos coa súa segunda muller, Ronna Keith.