A infanta Pilar de Borbón, irmá do rei Juan Carlos, foi dada de alta e abandonou o hospital de Mallorca no que foi ingresada o pasado sábado por mor dunha baixada das súas defensas, confirmaron dese o centro clínico.
A tía de Felipe
Na saída da clínica esperábaa un vehículo privado, ao que subiu con axuda do persoal desta clínica de Mallorca, illa na habitualmente pasa as vacacións de verán xunto a membros da súa familia.
Segundo informou a revista Hola, a razón que motivou a hospitalización da infanta Pilar é "unha baixada de defensas en xeral" e non ten relación directa co cancro de colon polo que foi intervida en Madrid o pasado 4 de febreiro.
Fontes da contorna da irmá maior do rei Juan Carlos apuntaron a Efe que estivo recibindo sesións de quimioterapia en Mallorca nas últimas semanas, ante as que estaba a ter unha resposta satisfactoria.
A primoxénita dos condes de Barcelona foi operada en febreiro en Madrid e estivo hospitalizada durante tres semanas. O parte médico que facilitou a clínica sinalou que a intervención se debeu a unha obstrución intestinal, aínda que foi a propia duquesa de Badaxoz a que semanas despois confirmou que se trataba dun cancro de colón.
Durante o verán, a infanta Pilar estivo na súa residencia da localidade mallorquina de Calvía xunto aos seus fillos e netos.
