O mes comezou coa baixada de prezo de 1.290 fármacos, algúns deles de coñecidos principios activos como o ibuprofeno, o antidepresivo duloxetina, o antipsicótico risperidona ou o antiasmático budesónida. Segundo sinala o Consello Xeral de Colexios Farmacéuticos, con iso reducirase a factura pública de medicamentos en máis de 39 millóns.
Polo seu peso na redución da factura de farmacia, destacan fármacos que sufriron baixadas de ata un 80%, e neste grupo están antiinflamatorios, antiglaucomatosos, analxésicos opioides ou antipsicóticos. Os dez principios activos representan o 89% da redución da factura.
Entre as presentacións que baixan o seu prezo están principios activos moi utilizados como fármacos para o asma como o salbutamol, formoterol ou a budesonida; antidepresivos como a duloxetina; anticonceptivos orais como o levonorgestrel/etinilestradiol; ou medicamentos antipsicóticos como a risperidona.
