Hierro, a serie creada polos irmáns lucenses Pepe e Jorge Coira, foi galardoada con dous Ondas: un á mellor ficción compartido con Arde Madrid e outro á interpretación e Candela Peña. A cantante Rosalía e o falecido cantante Camilo Sesto, o xornalista radiofónico Carlos Herrera, o programa Hoy por Hoy baixo a dirección de Pepa Bueno son outros dos gañadores dos 66 Premios Ondas, que se fallaron este mércores en Barcelona.
Os Ondas Nacionais de Radio distinguiron a Carlos Herrera pola súa traxectoria, a Andreu Buenafuente e Berto Romero polo seu programa Nadie sabe nada (Cadea Ser) e a Carlos Alsina polo especial que dedicou en Onda Cero ao Día Mundial da Radio.
En televisión, os Ondas recaeron, entre outros, en La Resistencia, da Canle #0 de Movistar+; Salvados (La Sexta) polos seus programas dedicados a Nicolás Maduro e o papa Francisco; aos presentadores Carlos Franganillo e Paloma del Río (RTVE) e Alejandra Andrade (Cuatro); ás series Hierro e Arde Madrid; e os actores Miguel Ángel Silvestre (En el corredor de la muerte) e Candela Peña (Hierro).