Exhuman os restos de Ruiz-Mateos para unha proba de paternidade

Os restos do empresario español José María Ruiz-Mateos, dono do grupo Rumasa e protagonista de numerosos escándalos de corrupción, foron exhumados este venres na cidade española de Cádiz para realizarlle unha proba de paternidade.

Os forenses extraerán mostras para practicar as probas de ADN e comprobar se coinciden coas de Adela Montes de Oca, quen afirma ser a súa filla, informaron fontes do municipio andaluz. Ruiz Mateos faleceu en 2015 aos 84 anos e deixou un legado de escándalos de financiamento e xestión dos seus grupos empresariais.

Foi o fundador do grupo Rumasa, composto por 700 empresas, que foi expropiado en 1983 polo Goberno do socialista Felipe González por quebra técnica.

Membro do Opus Dei e pai de trece fillos, desde entón protagonizou numerosas polémicas públicas, con fuxida da xustiza ao estranxeiro incluída. A súa fama por esta traxectoria lle permitiu sumar apoios suficientes para ser elixido deputado do Parlamento Europeo (1989-1994).

A familia de Ruiz  Mateos considera que a exhumación e a proba de paternidade son medidas desproporcionadas e ilexítimas. Ruiz Mateos foi citado en tres ocasións para a extracción de mostras e en ningunha delas se presentou nin ofreceu explicación algunha.

Posteriormente, pediu o sobresemento da causa como consecuencia de "unha enfermidade moi grave con padecimientos incurables" que lle impediría ir a xuízo. O empresario morreu pouco despois, antes da celebración de dita vista, e o xuíz ordenou impedir a incineración dos seus restos ata que non terminase o actual procedemento.