El Progreso, con 95.000 lectores diarios, que lle atribúe o Estudio General de Medios (EGM), é líder na provincia de Lugo. Na capital provincial suma 42.655, o que representa o 44,9% do total dos seus lectores. Mantense novamente como terceiro xornal de Galicia por número de lectores.
Segundo os datos que dinfundiu este mércores o EGM, o 97,9% dos lectores do Progreso están na provincia de Lugo e un 2,1% na provincia da Coruña. O 60,7% dos lectores de El Progreso está casado, un 31,2% está comprendido entre os 14 e os 44 anos, un 35,8% ten estudos medios e un 17% ten unha titulación superior. O cento por cento declara que entende o galego, idioma familiar do 44,8%.
Diario de Pontevedra, que pertence ao mesmo grupo editorial que El Progreso, mantén a súa posición de liderado na capital pontevedresa. Séguenlle, por número de lectores en Pontevedra capital, Faro de Vigo e La Voz de Galicia.
O ranking de lectores dos xornais en Galicia, segundo o EGM, encabézao La Voz, á que seguen Faro de Vigo, El Progreso, La Región, El Correo Gallego, La Opinión, Diario de Pontevedra, Diario de Ferrol, El Ideal Galego e Atlántico Diario.
Os datos desta onda do EGM correspondente ao período outubro-maio presentan unha tendencia en toda España de descenso no número de lectores, tanto da
prensa de información xeral como da deportiva.