Científicos da Universidade de Granada e da RMIT de Melbourne deseñaron unha pulseira que avisa do dano da radiación solar á que o usuario está exposto en cada momento grazas a un sensor que discrimina entre radiacións ultravioleta e avisa con emoticonos. Un equipo de científicos españois e australianos deseñou esta pulseira que contén un sensor que permite diferenciar as radiacións ultravioleta (UV).
O espectro de radiacións UV oscila entre a UVA, que teñen menos carga enerxética, ata a UVB e UVC, que son máis enerxéticas e moito máis daniñas, xa que incluso causan cancro de pel. Así, a pulseira contén catro caras —emoticonos tristes e alegres— que se marcan en función do dano da radiación á que o usuario está exposto.
Este sensor é especialmente importante no contexto actual, onde o buraco da capa de ozono fai que esteamos expostos a estas radiacións tan daniñas
A pulseira contén un líquido invisible de polioxometalato que se colorea cando incide sobre el a radiación ultravioleta e utiliza esta tinta, que se pode imprimir sobre papel e incorporar a pulseiras desechables onde para indicar se se superou nun 25%, 50%, 75% ou 100% os límites de exposición solar UV que se consideran seguros.
A revista Nature Communications publica este traballo do investigador do departamento de Química Inorgánica da Universidade de Granada José Manuel Domínguez Vera, autor principal do estudo que permitiu deseñar a pulseira. "Este sensor é especialmente importante no contexto actual, onde o buraco da capa de ozono fai que esteamos expostos a estas radiacións tan daniñas", explicou nun comunicado da Universidade de Granada Domínguez Vera.
Os investigadores adaptaron o dispositivo para que simule diferentes tipos de pel
O sensor da pulseira está baseado nunha molécula fotocrómica denominada PMA, que cambia de cor en función do seu estado redox, e acedo láctico. "Construímos diferentes dispositivos baratos que permiten usar PMA e láctico como unha tinta que se absorbe nun papel convencional, que se pon en azul en función do tipo de radiación UV e a súa intensidade", detallou o autor principal do traballo.
Ademais, os investigadores adaptaron o dispositivo para que simule diferentes tipos de pel, posto que o dano da radiación UV depende do tipo de pel. Este traballo é froito dunha colaboración entre o grupo de investigación da Universidade de Granada "BIONanoMet", no que se integran Ana González e José Manuel Domínguez-Vera, e o grupo do doutor Vipul Bansal da Universidade RMIT de Melbourne (Australia).
