Os contidos de Digital+ chegarán vía streaming por internet aos televisores intelixentes de Samsung (Smart TV), o que permitirá aos seus usuarios gozar sen custo engadido dos partidos de liga ou do torneo de Wimbledon, informaron este venres as compañías implicadas no acordo.
Con esta alianza, Digital+ e Samsung buscan sacar partido a todas as vantaxes dos contidos á carta e das funcións intelixentes da nova xeración de televisores.
A programación de Canal+, Canal+ Fútbol, Canal+ Deportes, Canal+ Golf e 40 TV terá a partir de agora unha nova canle de chegada aos espectadores que poderán ver, sen custo adicional, contidos deportivos como a Copa do Rei, a Premier League, o Calcio, a Europa League, o Open de Australia de tenis ou as Seis Nacións de rugby.
As fases posteriores de integración de ambas as plataformas permitirán a todos os usuarios con televisores conectados de Samsung acceder á oferta de contidos de Digital+.
