O Ministerio de Sanidade asegurou este luns que comezou a distribución ás comunidades autónomas das 496.080 novas doses da vacina contra o coronavirus de Pfizer/BioNTech que chegaron a España.
Sanidade informou nun tuit de que se iniciou a distribución do case medio millón de doses da vacina que recibiu España este luns.
Os últimos datos de vacinación ofrecidos polo Ministerio de Sanidade o pasado venres indican que España distribuíu un total de 3.622.165 doses (de Pfizer, Moderna e AstraZeneca), ás que hai que sumar esta última remesa.
Ata o momento 1.171.026 persoas recibiron a pauta completa de vacinación.