A cantante francesa Françoise Hardy, de 77 anos, sofre un cancro terminal, polo que pediu a eutanasia para morrer dignamente. A artista revelou nunha entrevista publicada na revista Femme Actuelle o sufrimento que padece desde que se lle diagnosticou un cancro de faringe en 2018, debido aos efectos do tratamento.
A nai da cantautora, modelo e actriz tamén recorreu ao suicidio asistido. "A miña nai tivo a sorte de atopar un médico que lle aplicou a eutanasia coa miña axuda cando xa non podía ir máis lonxe con esta enfermidade incurable", relata Hardy —icona da música francesa— na entrevista.