A estrela da música pop Beyoncé Knowles deu a luz a xemelgos en Los Ángeles acompañada do seu esposo, o rapero e empresario Jay-Z, informaron este domingo medios estadounidenses.
O nacemento produciuse a comezos de semana e "a parella está emocionada e empezou a compartir a noticia coa súa familia e amigos máis próximos", sinalou a revista People, especializada en información do espectáculo, que cita unha fonte próxima.
Polo momento, con todo, descoñécese o sexo e nome dos xemelgos.
A intérprete de Single Ladies, de 35 anos, anunciou o seu embarazo en febreiro e realizou varias aparicións públicas desde entón, como a súa actuación nos gala Premios Grammy deste ano.
O seu último disco, Lemonade, foi o máis vendido no mundo en 2016.
Beyoncé e Jay-Z, que casaron en abril de 2008, foron pais da súa primeira filla, Ivy Blue Carter, en xaneiro de 2012.
