A vivenda de Luís Figo, exfutbolista do Real Madrid e o FC Barcelona, situada no distrito de Hortaleza de Madrid, sufriu un roubo na madrugada deste mércores. Segundo apuntan fontes policiais, polo menos dous ladróns entraron no chalé rubindo pola fachada ata a terraza e anulando todas as alarmas. Con todo, as cámaras de seguridade puideron gravalos.
Os cacos levaron un botín composto de xoias e reloxos de alta gama, ademais de miles de euros. Por outra banda, nin o portugués nin a súa muller, Helen Svedin, se atopaban na casa no momento do roubo, que xa denunciaron.
Asaltan o chalé de Luís Figo e levan reloxos, xoias e miles de euros
Tanto o exfutbolista como a súa esposa, Helen Svedin, non se atopaban no domicilio