O domingo 16 de outubro estrearase en DKiss Algo pasa con Ana, un programa sobre a vida diaria de Ana Obregón no que aparecerá á fronte dos preparativos do aniversario do seu fillo, comprando no supermercado e incluso visitando unha sex-shop.
Este docu-reality, que Obregón presentou o pasado mes de setembro no Festival de Televisión de Vitoria (FesTVal), mostra a súa vida diaria en oito episodios que se gravaron ao longo de catro meses.
Algo pasa con Ana transmitirá, segundo explicou a actriz e presentadora en Vitoria, "enerxía" e reflectirá o seu lema, "Apúntate á vida", e os valores que intentou inculcar ao seu fillo: "Amor, ser xeneroso, honesto, non insultar, non atacar... Os valores positivos non son aburridos, aínda que vendan menos".
Ana Obregón intentará mostrarse tal e como é e para iso dará permiso ás cámaras para gravar a súa intimidade coa única limitación de que non apareza a súa familia (allea ao mundo do espectáculo), aínda que si o seu fillo, en parte grazas a que quere divulgar a súa ONG, que axuda persoas con lesións cerebrais.
Ana Obregón regresa á televión o 16 de outubro con 'Algo pasa con Ana'
O programa, emitido en DKiss, dividirase en oito episodios e mostrará a vida diaria da actriz
